Byrjað verður mánadagin við gongutúri út á Tanga, har Hilmar Kass fer at greiða frá um krígsárini. Týsdagin verður krabbaveiða, og mikudagin súkklutúrur av Strondum til Innan Glyvur.
Hósdagin verður grilling við Lítlafløtt, har juniorarnir í missiónshúsinum skipa fyri spølum á vøllinum, og fríggjadagin verður garðdagur í barnagarðinum Lítlafløtti.
Seinasta tiltakið í hesum sambandi er ein gongutúrur frá bygdarhúsinum inn til Sjóvar og aftur. Her fer Jónas Berthelsen at siga frá barnaárum sínum við Sjógv.
snorri@sosialurin.fo
