Seinasta vikuskifti varð stór badmintonkapping hildin í Badmintonhøllini í Havn, har leikarar úr øllum landinum høvdu høvi at royna seg.
Dystast varð í einmansleiki í øllum deildum, og leikararnir drivu á, so at siga alt vikuskiftið.
Byrjað varð leygarmorgunin, og seinasti vinnarin varð ikki funnin, fyrr enn Erland Jacobsn seinnapartin sunnudag, hevði bast Heðini Jacobsen, tá hesir báðir hittust í finaluni hjá monnunum.
Sum vera man, so var spenningurin stórur í fleiri av deildunum, tí nogvir leikarunum vóru sera javnir.
Tvey heiðursmerki
Hjá monnunum mundi mest óvæntaða úrslitið vera, at Heðin megnaði at leika seg í finaluna, hóast hann á vegnum mátti dystast móti Regini Hammer, sum framman undan var styrkismettur sum nr. 2.
Eisini hjá teimum yngru vóru onkur óvæntað úrslit, og serliga var tað merkisvert, at Niclas Eysturoy megnaði at vinna sær tvey heiðursmerki.
Hann vann nevnliga kappingina í sínum bólki, dreingir 10-12 ár, og aftur fyri slapp hann so at luttaka í dreingir 12-14 ár. Her megnaði hann eisini at leika seg fram til finaluna, men mátti hann tá koritni lúta fyri Thomas Rubbeksen, sum vísti seg at verða ein ov stórur biti.
Hjá kvinnunm var eisini sera stórur spenningur undan kappingini.
Kanska var luttakaratalið, fýra, í so lágt, men talan var um fýra sera javnar leikarar.
Endin var tó, at Elin Elin Jacobsen og Guri Poulsen skuldu leika avgerandi dystin, og her eydnaðist tað Elin at vinna í trimum settum.
Úrslitini í ymsu deildunum vórðu annars hesi:
Gentur 10 ár:
1. Brynhild Carlsson
2. Agnas Olsen
Gentur 10-12 ár:
1. Christina Eriksen
2. Ulla í Dávastovu
Gentur 12-14 ár:
Malan Simonsen
Mia Mortensen
Gentur 14-16 ár:
1. Elin Hansen
2. Guðrun Poulsen
Kvinnuunglingar:
1. Karin Hansen
2. Elin Hansen
Dreingir 10 ár:
1. Reidar Luid
2. Magnus á Rógvu
Dreingir 10-12 ár:
1. Niclas Eysturoy
2. Hilmar Kass Jacobsen
Dreingir 12-14 ár:
1. Thomas Rubeksen
2. Niclas Eysturoy
Dreingir 14-16 ár:
1. Bjartur Lamhauge
2. Jonhard Hansen
Mansunglingar:
1. Aksel Poulsen
2. Bjartur Lamhauge
Kvinnur:
1. Elin Jacobsen
2. Guri Poulsen
Menn
1. Erland Poulsen
2. Heðin Joensen
