Tey flestu partrolarapørini eru farin til fiskiskap, og skipini koma inn aftur at landa, sum næsta vika gongur.
Sagt verður, at fiskiskapurin hjá partrolarunum er heldur betri nú, enn hann hevur verið í seinastuni.
Fiskamarknaður Føroya veit í dag at siga, at bara ein djúpvatnstrolari er til fiskiskap í løtuni, men helst loysa tveir aðrir djúpvatnstrolarar um vikuskiftið.
- Skipið, sum er til fiskiskap, fiskar svartkalva, kongafisk og blálongu og landar helst síðst í næstu viku.
Fiskamarknaður Føroya veit eisini at siga, at tríggir trolbátar eru til fiskiskap, og væntandi fara aðrir út um vikuskiftið.
- Trolbátarnir fiska havtasku. Vit rokna við einum báti mánadagin, og síðan koma hinir inn at landa, sum vikan gongur, sigur marknaðurin.
