Fríggjakvøldið klokkan 19.45 verður fótbóltsveitsla á Tórsvølli. Tá verður HM-undankappingardystur millum Føroyar og HM-bronsuvinnararnar í 2022, og HM-silvurvinnararnar í 2018, Kroatia.
Tað verður ein altjóða royndan dómara, ið fer at leiða dystin millum Føroyar og Kroatia.
Talan er um 44 ára gamla Kristo Tohver úr Estlandi. Kristo Tohver hevur verið altjóða dómari síðani 2010, og hevur enn fleiri ár á baki sum dómari í bestu estisku fótbóltsdeildini.
Kristo Tohver er eisini aðalskrivari hjá olympisku nevndini hjá Estlandi. So hetta er ein maður við nógvum ymiskum royndum.
FØROYAR - KROATIA
Dómari: Kristo Tohver EST
Hjálpardómari 1: Silver Kõiv EST
Hjálpardómari 2: Sander Saga EST
Fjórði dómari: Karl Koppel EST
VAR dómari: Fedayi San SUI
VAR hjálpardómari: Joonas Jaanovits EST
UEFA dómaraeygleiðari : Sascha Amhof SUI
UEFA umboð: Paul Tompkins ENG
