Royndirnar við skiljirist lidnar

Havstovan boðar í dag frá, at royndirnar við skiljirist í troli­num nú eru lidnar.
Saman við Vónini, Vørn og reiðarínum Faroe Origin og skipunum, Heyki og Falki, byrj­aðu hesar royndir tíðliga á sumri í 2013.
Tá gjørdi skipini royndir, har eitt nú varð roynt inni í trol­fríum økjum. Tær fyrru roynd­irnar vístu, at skilji­rist­in í trolinum skilir umleið 60% av tí smáa upsanum úr aft­ur trolinum.
Í frágreiðingini, sum varð skrivað um tær fyrru roynd­ir­nar, varð sagt, at upptøkutól vísa, at smái fiskurin, sum slepp­ur út ígjøgnum ristina, svim­ur livandi og eftir øllum at døma óskaddur burtur.
Tíðliga í fjør summar vórðu soleiðis tveir túrar gjørd­ir.

Aftur í ár
Aftur í 2014 skuldu nýggjar roynd­ir gerast fyri neyvari at staðfesta, hvussu ristin virk­ar, og um samsvar fór at vera millum royndirnar í fjør og royndirnar í ár.
Á fyrra túrinum í ár skuldi Heyk­ur hava rist undir, meðan Falkur brúkti vanliga reið­skapin. Síðan skuldi být­ast um seinna túrin, so Falk­ur nú fekk ristina undir, með­an Heykur brúkti vanliga reið­skapin.
Endamálið við umbýtinum er at gera samberingar - við og uttan rist hjá báðum skipu­num.
- Nú er so onnur royndin við skiljirist eftir upsa hjá par­trolarunum liðug. Tað var mest stórtfallandi upsi, og væl var at fáa. Ábending er um, at ristin skilir minna ups­an frá.
Tað sigur Havstovan í síni fyribils niðurstøðu, men vís­ir á, at endalig frágreiðing um hesar royndir nú verður skri­v­að.