Seinastu tíðina er tað hent, at svikarar hava ringt til avvarðandi hjá fólki, sum eru deyð við tí endamáli at lumpa pengar frá teimum.
Og á heimasíðu síni ávarar Føroya rættur nú fólk ímóti hesum, so at fólk ikki skulu lata seg lumpa.
Tey sum ringja, siga nevniliga at tey arbeiða í skiftirættinum og at tey ringja í sambandi við búgvið eftir teimum, sum eru deyð, tí deyðbúgvið er til viðgerar í skiftirættinum.
Tey sum ringja, biða tískil um ymsar persónligar upplýsingar, eitt nú p-talið og upplýsingarnar um netbankan.
Men rætturin ger vart við, at tey biðja ALDRIN um slíkar upplýsingar í telefon ella í teldubrævi.
Skiftirætturin biðjur ikki um aðrar upplýsingar enn teir, sum biðið verður um á formligu skjølunum frá skiftirættinum í sambandi við deyðsbúgvið.
Tú skalt undir ongum umstøðum geva nakrar persónligar upplýsingar frá tær í telefononi, á sms ella í teldubrævi, ella upp á aðrar mátar, tí einastu upplýsingar, skiftirætturin biðjur um, eru teir, sum spurt verður um á formligu skjølunum í sambandi við deyðsbúgvið.
