Rósa góðtekur ikki sparingar

Rósa Samuelsen góðtekur ikki sparingar á psykiatriska økinum.

Tað boðar hon frá í almennari fráboðan í morgun

Røringur er komin í hjá samgonguni eftir at tað frættist, at Tórmóður Stóra ikki vil halda fram sum leiðandi yvirlækni á psykiatriska deplinu,

Tingkvinnan fyri Sambandsflokkinvil beinanvegin hava eina frágreiðing frá landsstýrismanninum í Heilsumálum, Karsten Hansen,

- Tað kann ikki góðtakast, nú fólk eru flutt av Psykiatriska deplinum, at tað verður gjørt sum partur av sparingum á psykiatriska økinum, sigur hon.

Heldur enn at spara pening, átti peningur at verði brúktur til at styrkja tænasturnar á deplinum og úti í økjunum, soleiðis at tænastan kann verða veitt nærri borgarunum.

- Tað hevur ligið í kortinum, at økispsykiatriska tilboðið, skuldi veitast í øllum økjum í landinum og at psykiatrisk skaðastova skuldi setast á stovn, tá peningur bleiv leysgivin, við, at liðugt viðgjørdir sjúklingar fluttu av deildini.

- Við at økja um økispsykiatriina er ikki talan um nýtt virksemi, men um økt virksemi, so allir borgarir kunnu fáa somu tænastu, uttan mun til, hvar i landinum ein býr.

Les eisini: Her er ongin glotti fyri framman

Rósa Samuelsen sigur, at tað er sjálvsagt, at allir sjúklingar, eisini sálarsjúk, fáa somu rættindi til viðgerð á heilsuøkinum.

- Hetta er ein bólkur av fólki, sum ikki sjálvur er førur fyri at gera vart við sína støðu. Tíverri eru dømi um, at fólk liggja heima og stríðast við sína lívshættisligu sjúku, og teirra avvarðandi eru hjálparsleys.