Real Madrid, sum var uttan Gareth Bale, hevði ongar trupulleikar av Liverpool í stóra dystinum í Champions League í kvøld. Real Madrid vann 3-0, sum eisini var hálvleiksstøðan. Cristiano Ronaldo skoraði fyri fyrstu ferð nakrantíð á Anfield. Karim Benzema skoraði hini bæði málini.
Bólkur A:
Atletico Madrid hevði ávísar trupulleikar við at niðurbróta svenska múrin hjá Malmø, men tað endaði við tryggum sigri á 5-0. Øll málini komu í seinna hávlleiki. Juventus hevði hinvegin trupulleikar í Grikkalandi og tapti 1-0 fyri Olympiakos.
Støðan:
1. Atletico Madrid 6
2. Olympiakos 6
3. Juventus 3
4. Malmø 3
Atletico Madrid – Malmø 4-0
Olympiakos – Juventus 1-0
Bólkur B:
Real Madrid gjørdi skjótt av á Anfield. Longu í hálvleikinum var støðan 3-0 til verandi Champions League meistararnar. Serliga fyrsta málið var flott, tá James Rodriguez lyfti bóltin inn um verjuna til Cristiano Ronaldo, sum skoraði sítt mál nummar 70 í kappingini. Hann er nú eitt mál frá metinum hjá Raúl, og eitt mál frammanfyri Lionel Messi.
Karim Benzema økti til bæði 2-0 og 3-0 eftir deyðbóltar. Brendan Rodgers skifti í hálvleikinum Mario Balotelli út. Hann prógvaði seg heldur ikki hesaferð. Liðini høvdu møguleikar at fáa mál í seinna hálvleiki, men inn vildi bólturin ikki.
Sæð við Liverpool brillum, so kom tað væl við, at Basel ikki vann í Bulgaria móti Ludogorets. Basel fekk ein mann útvístan í fyrra hálvleiki, men tað var ilt at fáa eyga á hví dómarin fór í reyvalumman, tí talan var at síggja til ikki til eitt reytt kort. Ludogorets fekk avgerandi málið í evstu løtu.
Støðan:
1. Real Madrid 9
2. Ludogorets 3
3. Liverpool 3
4. Basel 3
Liverpool – Real Madrid 0-3
Ludogorets – Basel 1-0
Bólkur C:
Bayer Leverkusen vann 2-0 á Zenit og hevur nú kós móti endaspælinum. Nú kunnu teir í størri mun liva við javnleiki í umvenda dystinum. Benfica tykist hava útspælt sín leiklutinum við málleysum javnleiki í Monaco.
Støðan:
1. Bayer Leverkusen 6
2. Monaco 5
3. Zenit 4
4. Benfica 1
Bayer Leverkusen – Zenit 2-0
Monaco – Benfica 0-0
Bólkur D:
Arsenal slapp við skrekkinum í Belgia. Teir vóru aftanfyri móti Anderlecht líka til tað seinasta, men við málum frá Kieran Gibbs og Lukas Podolski vann Arsenal 2-1. Borussia Dortmund vann greitt í Turkalandi móti Galatasaray. Dortmund og Arsenal koma helst víðari í hesum bólkinum.
Støðan:
1. Borussia Dortmund 9
2. Arsenal 6
3. Anderlecht 1
4. Galatasaray 1
Anderlecht – Arsenal 1-2
Galatasaray – Borussia Dortmund 0-4
