Viðurskiftini millum Argentina og Spania eru versnað nógv, eftir at argentinska stjórnin hevur samtykt at ognartaka landsins størsta orkufelag, sum eitur YPE. Orsøkin til, at avgerðin hevur elvt til vreiði í Spania, er, at spanska oljufelagið Repsol er høvuðspartaeigari í YPE, og Repsol hevur í dag boðað frá, at tað fer at krevja 57 milliardir krónur í endurgjaldi frá argentinsku stjórnini.
Argentinski forsetin, Cristina Fernandez, hevur leingi roynt at fáa YPE at økja framleiðsluna, og tað hevur leingi ljóðað, at forsetin og stjórnin fóru at tjóðartaka felagið. Í dag váttaði forsetin so, at tað verður gjørt.
ES styðjar sponsku stjórnina í stríðnum við Argentina. Formaðurin í ES-nevndini, José Manuel Barroso, segði í dag, at Evropa tekur tað sum eina sjálvfylgju, at Argentina virðir sínar altjóða skyldur.
-Eg eri veruliga vónsvikin av avgerðini, segði Barroso.
