Rói Ellefsen á Skipagøtu og liðfelagarnir í Hallby spældu í kvøld dyst á heimavølli í bestu svensku hondbóltsdeildini.
Í Ítróttarhúsinum í Jönköping tapti Hallby 26-28 fyri gamla liðnum hjá Kjartani Johansen, Önnered. Ein vánaligur fyrri hálvleikur gjørdist dýrur fyri Hallby. Í steðginum var útiliðið greitt á odda 18-11.
Rói avrikaði væl og gjørdist toppskjútti hjá Hallby við átta málum.
Hallby er nummar 11 í deildini við 17 stigum.
