Føroyingauppgerð var í næstbestu donsku hondbóltsdeildini í Århus í dag.
Rókur Akralíð og liðfelagarnir í HC Aarhus tóku móti Róa Berg Hansen og liðfeløgunum í HØJ.
Dysturin endaði við einum teprum 29-28 sigri til HØJ.
HC Aarhus brendi eitt brotskast í seinastu løtu, og so kundi HØJ ferðast heimaftur við tveimum stigum.
Í steðginum var HØJ á odda 14-12.
Rói skoraði tvey mál fyri HØJ. Rókur var ikki millum málskjúttarnar hjá HC Aarhus.
Rói og Rókur fara nú at ferðast til Týsklands saman við landsliðshópinum fyri at spæla EM-undankappingardyst móti Ukraina. Dysturin verður leiktur komandi mikukvøld klokkan 19.
| Nr. | Lið: | Dystir | Stig |
| 1 | HØJ | 6 | 11 |
| 2 | TMS Ringsted | 6 | 8 |
| 3 | Skive | 6 | 8 |
| 4 | Rækker Mølle | 6 | 8 |
| 5 | IK Skovbakken | 6 | 7 |
| 6 | Ajax | 4 | 6 |
| 7 | Aarhus HC | 5 | 6 |
| 8 | FIF | 6 | 6 |
| 9 | Roskilde | 6 | 5 |
| 10 | Otterup HK | 6 | 5 |
| 11 | Team Sydhavsøerne | 5 | 4 |
| 12 | TM Tønder | 6 | 3 |
| 13 | Odder | 6 | 2 |
| 14 | Grindsted GIF | 6 | 1 |
