Rói vann á Brandi - HØJ er næstfremst í deildini

Leygardagin var føroyingauppgerð í næstbestu donsku hondbóltsdeildini.

Brandur Halgirsson og liðfelagarnir í Ajax tóku móti Róa Berg Hansen og liðfeløgunum í HØJ.

Ajax var omaná í fyrra hálvleiki og var á odda 13-12 í steðginum.

Í seinna hálvleiki lá betri fyri hjá HØJ, og tað endaði við 27-24 sigri til útiliðið.

Rói Berg Hansen skoraði fýra mál fyri HØJ og Brandur Halgirsson skoraði eitt mál fyri Ajax.

Leivur Mortensen skoraði fýra mál fyri lið sítt, Odder sum á útivølli tapti 27-33 fyri FIF. Í steðginum var FIF á odda 18-15.

Mánakvøldið spælir HØJ, ið er næstfremst í deildini móti oddaliðnum, HC Midtjyllandi á útivølli. Komandi hóskvøld tekur Odder móti HC Midtjyllandi á heimavølli.

Komandi leygardag verur føroyingauppgerð millum liðið hjá Teis Horn Rasmussen og Sjúrði Olsen, Tønder og Ajax.

Tønder spælir í morgin á útivølli móti Grindsted.

Støðan: