Rógvi og liðfelagarnir eru í tungum sjógvi

Tað gongur ikki væl í hond hjá Rógva Dal-Christiansen og liðfeløgunum í Roskilde í næstbestu donsku hondbóltsdeildini.

Roskilde er aftast í deildini við bert sjey stigum. Fýra stig eru upp til næstaftasta liðið, Odder sum hevur 11 stig.

Í dag tapti Roskilde 25-30 fyri Tønder á útivølli. Heimaliðið var á odda 16-13 í steðginum.

Rógvi skoraði fýra mál fyri Roskilde.

Komandi leygardag hevur Roskilde heimadyst móti Odder.