Slovakiski forsætisráðharrin, Robert Fico, er nú komin heim aftur av sjúkrahúsi.
Hann er útskrivaður aftur eftir drápsroyndina móti honum hin 16. mai í slovakiska býnum, Handlova.
Robert Fico hevur fingið fleiri skurðviðgerðir. Í álopinum varð hann raktur í búkin og lendarnar og var í lívsvanda.
Tað var ein stívliga sjeyti ára gamal maður, sum leyp á forsætisráðharran og læt nøkur skot av móti honum.
Maðurin er handtikin og varðhaldsfongslaður, skuldsettur fyri drápsroynd móti forsætisráðharranum.
Reuters veit at siga, at Robert Fico nú er í heima í Bratislava, har hann verður hjálptur av røktarum.
