Frá í morginárini røkir Ritan farleiðina millum Nólsoy og høvuðsstaðin.
Orsøkin er hon, at tvær sikringar til bógskrúvuna á Teistanum ruku, og tí verður leitað eftir feilinum.
Sikringarnar eru ikki at fáa í landinum, so Strandferðslan leitar í fleiri londum eftir sikringum til Teistan.
Meðan Teistin liggur, røkir Ternan Skopunarleiðina, og tað er nógv sum bendir á, at tað verður rímiliga drúgt at at fáa bilbukt við brekinum, tí Ritan er kallað suður úr Norðoyggjum at røkja Nólsoyarleiðina.
Meðan bíðað verður eftir Teistanum, røkir Alpha Pilot leiðina til Fugloyar og Svínoyar.
