MÍTTLAND er heiti á einum risastórum mentanar- og konserttiltaki, sum verður 28. september 2013 í Keypmannahavn. Hetta er fyrstu ferð at skipað verður fyri einum slíkum stórum tiltaki fyri føroyingar í Danmark. Heitið MÍTTLAND lýsir tað, sum alt snýr seg um, nevniliga heimlandið Føroyar. Tiltakið fer fram á Amager Strand á økinum, sum verður rópt Femøren.
Gudmundur Djurhuus, sum er stigtakari og samskipari av tiltakinum, sigur, at endamálið við hesum stóra mentanar- og konsertdegi er at skapa eitt tiltak, sum fyrst og fremst er fyri føroyingar í Danmark, men eisini onnur fólk, sum hava áhuga fyri Føroyum og føroyskari mentan eru hjartaliga vælkomin. Alt, sum verður at uppliva hendan stóra dagin, er føroyskt. Allur tónleikur er føroyskur, eins og matur og sniðgivin klædnapløgg verða úr Føroyum. Konsertirnar fara fram á einum stóra pallinum á Femøren við øllum, sum hoyrir til av tøkni og ljósi.
- Okkara tónleikarar fáa sostatt høvi at vísa seg frá teirra bestu síðu, sigur Gudmundur Djurhuus og leggur aftrat:
- Tiltakið MÍTTLAND fer at lýsa, hvørji vit eru, og hvat vit eru, tá tað snýr seg um framførslu á palli, fyrst og fremst tónleik, men eisini tá tað kemur til sniðgávu og mat.
Tónleikanøvnini, sum fara at luttaka á MÍTTLAND 28. september á Femøren úti á Amager Strand verða hesi:
Kim Hansen
Stanley Samuelsen
Hanus G
Sámal Ravnsfjall
Martin Joensen
Lív Næs og Tróndur
Eyðun Nolsøe
Terji Rasmussen
Alex Bærendsen
Kristina Bærendsen
Evi Tausen
Hallur Joensen
Ólavur Højgaard
Flamma
Jens Marni
The Reverends
Karl Martin Samuelsen
Lena Anderssen
Pól Arne
Edmund Jacobsen
Høgni Lisberg
200
