Byrjanin hjá Manchester United tey fyrstu 10 umførini er tann ringasta byrjanin liðið hevur havt í 28 ár. Ikki síðani 1986 hevur United havt eina so ringa kappingarbyrjan.
Manchester United hevur 10 tey fyrstu umførini bert megnað at fingið 13 av 30 møguligum stigum, og liggur á einum skallutum 9. plássi. Undir David Moyes hevði liðið um somu tíð í fjør 17 stig aftaná 10 umfør, og tá á einum 8. plássi.
Seinast United hevði eina so ringa byrjan á kappingarárið fekk tað avleiðingar fyri høvuðsvenjaran. Ron Atkinson fekk sekkjin í november 1986, í hansara stað kom venjarin hjá skotska Aberdeen FC, Alex Ferguson, sum stríddist í næstan fýra ár, áðrenn fyrsta steypið kom í hús.
