Um ein fótbóltsspælari tilvitað hostar móti øðrum spælara, so kann tað føra til útvísing, upplýsir Ifab.
Tað kann kosta tað reyða kortið, um ein fótbóltsspælari tilvitað hostar móti øðrum spælara á vøllinum.. Tað skrivar BBC.
– Eins og við øllum øðrum brotum á vøllinum, so er tað dómarin, sum skal gera av, hvussu álvarsligt brotið er, upplýsir Ifab.
– Um tað púra greitt er talan um tilvildarliga hostan, so skal dómarin einki gera. Heldur ikki um hostað verður í frástøðu, verður sagt.
Tilvitað hostan fellir undir somu reglur sum stoytandi ella háðandi málburður og rørslur, sigur Ifab.
Rætningslinurnar verða sett nú, tá koronufarsóttin framvegis herjar fleiri staðini í heiminum.
Koronuvirus rakar millum annað luftvegirnar og kann gera tað trupult at anda.
Fleiri fótbóltskappingar í Evropa eru annaðhvørt avlýstar ella útsettar vegna koronukreppuna.
/ritzau/
