Pure Winter Look frá Make-Up Store
Fleiri ferðir um árið almannakunnger Make-Up Store nýtt smyrsl, sum hóskar til dagsins rák. Hesaferð borðreiðir Make-Up Store við ljósum eygnaskuggum, heitum kjálkum og kvinnuligum varrum. Skalt tú royna hendan stílin, so skalt tú hava fatur á ljósabrúnum eygnaskuggum, fersku til kjálkarnar, og einari kvinnuligari varrastift í appilsin ella rósu liti.
Blondur og gjøgnumskygni
Blonduklæði eru altíð ógvuliga kvinnulig, og hóska seg væl til stílin júst nú. Haraftrat eru gjøgnumskygdar blusur nógv at síggja. Tú kanst eitt nú seta ein hvítan topp og eina svarta, gjøgnumskygda skjúrtu saman, og soleiðis uppnáa stílin.
Krúllur og fall
Einki er meira kvinnuligt enn krúllur ella fall í hárinum. Eitt slættijarn kann geva tær nærum allar krúllur – ella tú kanst nýta eitt sokallað pearl wand, sum gevur tær bleytar, men lítlar krúllur. Pearl Wand fæst í Matas.
Sunt og vælangandi hár
Veturin hevur allarhelst verið harður fyri hárið, sum nú kann hava tørv á at fáa vætuna aftur. Oljan Argan Secret er sera vælangandi og hóskar seg væl til teir turru endarnar. Oljan byggir eisini natúrligu vætuna í hárinum uppaftur, umframt at verja hárið móti kulda og hita. Hon fæst hjá Royal Hárfríðkan.
Frískar varrar og fríska húð
Tað er ikki einans hárið, sum verður hart rakt av kuldanum. Eisini húðin verður turr um veturin, og krevur tí eina hjálpandi hond fyri at uppbyggja seg aftur. Rosebud salvan er vælegnað til at uppbyggja varrarnar, hendurnar og neglirnar, og kann fáast fyri ein bíligan penga í Cosmeto og Matas. Salvan kann eisini nýtast um tú hevur brent teg, og um jólamaturin hevur givið tær óreina húð.
