-Vit standa spyrjandi. Hetta er sjálvandi ein dyggur smeitur fyri okkum nú fyri aðru ferð eftir stuttari tíð at verða raktir av eldi umborð á okkara skipum. Hetta sigur Hans Andrias Joensen, stjóri og reiðari á teimum báðum skipunum, Hercules og Athenu, sum Thor í Hósvík rekur.
Tað var í farnu viku, at eldur kom í í pakkirúminum á Athenu, meðan hon var til fiskiskap í Kyrrahavinum. Tað eydnaðist tó skjótt at sløkkja eldin og varð avgjørt at sigla til lands í Chile at kanna skaðan.
Í gjár segði P/F Ocean Group Faroes, sum eigur Athenu, í tíðindaskrivi, at eldur er aftur umborð á Athenu. Skipari og manning hevði annars tamarhald á støðuni, meðan skipið sigldi til lands. Teir gjørdu eitt fyrimyndarligt arbeiði fyri at basa eldinum og høvdu hann fult undir kontrol.
-Vit eru tíanverri noyddir at boða frá, at brandmenninir, sum komu frá landi til at taka yvir sløkkingina umborð á Athenu, hava mist tamarhaldið á støðuni, og sum tað sær út í løtuni, so stendur Athena nú ikki til at bjarga stóð í tíðindskrivinum sunnudagin. Skipari og manning og eisini brandmenninir eru nú farin av skipinum. Tveir føroyingar eru við Athenu, skiparin og maskinstjórin.
Hetta sigur Hans Andrias Joensen, stjóri og reiðari á teimum báðum skipunum, Hercules og Athenu, sum Thor í Hósvík rekur.
Tað var í farnu viku, at eldur kom í í pakkirúminum á Athenu, meðan hon var til fiskiskap í Kyrrahavinum. Tað eydnaðist tó skjótt at sløkkja eldin og varð avgjørt at sigla til lands í Chile at kanna skaðan.
Í gjár segði P/F Ocean Group Faroes, sum eigur Athenu, í tíðindaskrivi, at eldur er aftur umborð á Athenu. Skipari og manning hevði annars tamarhald á støðuni, meðan skipið sigldi til lands. Teir gjørdu eitt fyrimyndarligt arbeiði fyri at basa eldinum og høvdu hann fult undir kontrol.
-Vit eru tíanverri noyddir at boða frá, at brandmenninir, sum komu frá landi til at taka yvir sløkkingina umborð á Athenu, hava mist tamarhaldið á støðuni, og sum tað sær út í løtuni, so stendur Athena nú ikki til at bjarga stóð í tíðindskrivinum sunnudagin. Skipari og manning og eisini brandmenninir eru nú farin av skipinum. Tveir føroyingar eru við Athenu, skiparin og maskinstjórin.
