Hóast Real Madrid longu hevur styrkt hópin við Christoph Metzelder, Jerzy Dudek og Javier Saviola, so sigur venjarin, Bernd Schuster, at teir framvegis leita eftir styrki. Ovast á listanum stendur brasilski Kaka, og sambært sponskum miðlum hevur felagið boðið Milan knappar 600 milliónir fyri spælaran. Eitt tilboð, sum verjandi Champions League meistararnir ikki hava hug at góðtaka.
