Real og Zidane kunnu vinna meistaraheitið í kvøld

Í kvøld verður 37. og næst seinasta umfar í sponsku landskappingini. Real Madrid hevur 83 stig á fyrsta plássi og kann við sigri á Villarreal tryggja sær meistaraheitið longu í kvøld. Zinedine Zidane og hansara menn hava verið sannførandi síðani koronasteðgin og vunnið næstan allar dystirnar.

FC Barcelona er á øðrum plássi við 79 stigum. Katalanska stórfelagið spælir í kvøld á heimavølli móti Osasuna. Áleyparin hjá FC Barcelona, umstríddi Luis Suarez, hevur uppgivið møguleikan at vinna meistaraheitið, men venjarin Quique Setién vil ikki sleppa vónini.

Skuldi tað hent at bæði liðini enda á jøvnum í stigum, so verður tað Real Madrid, sum vinnur. Kongafelagið úr høvðusstaðnum er betri fyri í innanhýsis dystunum. Teir vunnu 2-0 á Santiago Bernabeu í Madrid og spældu málleysan javnleik á Camp Nou í Spania.