Sporðdrekin tók í kvøld móti Ravni í 6. umfari í landskappingini í kurvabólti. Úrslitið varð, at Ravnur smurdi Sporðdrekan av 27 – 60.
Ravnur kom væl frá byrjan og stóð verjan sera væl. Hjá Sporðdrekanum gekk ikki líka væl og gjørdu teir nógvar feilir og høvdu nógvar feilavleveringar. Í hálvleikinum var støðan jøvn 21 - 30, men í triðja og fjórða fjórðingi var onki at gera hjá Sporðdrekanum, ið ikki sluppu gjøgnum verjuna og drógu Ravnur longur og longur frá, við endaligu støðuni 27 – 60.
Toppskjúttar í dystinum vóru Kasper Andersson hjá Ravni við 13 stigum og Magnus Jakobsen hjá Sporðdrekanum við 10 stigum.
Støðan í kappingini er, at Ravnur nokk hevur tryggjað sær eina finaluplássið við sínum 4 sigrum og hava Hamar og Sporðdrekin bæði 1 stig, men Hamar hevur betri málúrtøku.
Kappingin er komin í helvt og verður næsti dystur leiktur komandi leygardagin tann 18. februar 2017 millum Hamar og Sporðdrekan.
