Herfyri frættist, at bólkurin Raske Drenge, har Ragnar Finsson er annar helmingurin, var í uppskoti til heiðursløn hjá Flanders Folk network í greinini Best Live band.
Og fyri løtu síðani kunngjørdi bólkurin á sínum facebook vanga, at Raske Drenge vann Flanders heiðurslønina í greinini Best Live band.
Sara Salvérius vann í greinini Best Album.
Raske Drenge takka á sínum facebook vanga fyrireikarum, familju og vinum og ikki minst øllum teimum, ið hava víst stuðul, og siga Raske Drenge seg gleða seg til at standa á palli og spæla aftur.
Flanders heiðurslønin er flamsk heiðursløn.
Teir báðir í Raske Drenge, Rangar Finsson og belgiski fíólleikarin Oscar Beerten, hittust á skúla í Svøríki, og vit kenna teir eittnú fyri tulking av Grindavísuni.
