Rás2 sendir beinleiðis úr Spaniastovu

Í annaðkvøld, sendir Rás2 beinleiðis úr Spaniastovu í Klaksvík


Spaniastova í Klaksvík er seinastu árini blivin meira og meira brúkt til konsertir, framsýningar, veitslur, hátíðarhald og annað, og í annaðkvøld, leygarkvøldið, fer Rás2 á fyrsta sinni at senda úr Spaniastova.

Talan verður um beinleiðis sending við samrøðum, framførslum og annað.

Les eisini: Hamferð og Fimm Feitar Flugur í Spaniastovu

Eitt nú fer Andras Sólstein at greiða frá søguni um gomlu handilshúsini í Klaksvík, sum hevur nógvar áhugaverdar søgur knýttar at sær, og vit frætta eisini um og ætlanirnar og endamálið við Spaniastovu og húsunum annars.

Tey, sum fara at syngja og spæla, verða Hans Andrias Jaocbsen og Linda Gardar, umframt sangbólkurin, Fimm Feitar Flugur.

 Eisini støkkur bólkurin Hamferð inn á gólvið.

Sendingin hjá Rás2 úr Spaniastovu byrjar klokkan 20 í annaðkvøld og tað verður Ragnhild Ellingsgaard, sum stílar fyri.