Rás2 sendir beinleiðis úr Barcelona

Í dag, í morgin og fríggjadagin sendir Rás2 beinleiðis úr Barcelona.

Í fyrstu sendingini, sum byrjar klokkan 13 í dag, verður millum annað vitjað í Gotiska býrapartinum, farið verður á stóra matmarknaðin La Boqueria og ein  serligur túrur verður gjørdur niðan á fjallið, ið nevnist Montjuic.

Somuleiðis eisini hitta Rás2-manningin, Katrina í Gongini, sum í skjótt eitt ár hevur búð og gingið á listaskúla í Barcelona.

Harafturat verður ymiskt prát, frásagnir, samrøður og summarsligur tónleikur at hoyra.

Tey trý, ið manna Rás2 toymið í Barcelona, eru Rannvá Gaard Fossaberg, vinstrumegin, Hjalmar Hvítklett í  miðjuni, og Hilmar Jan Hansen.

Sendingarnar verða hvønn dag klokkan 13 til klokkan 16.