Føroyski landsliðsmálverjin, Rakul Wardum roynir seg nú í Ringkøbing, ið spælir í bestu donsku hondbóltsdeildini komandi kappingarárið.
Í kvøld spældi Rakul sín fyrsta kappingardyst fyri Ringkøbing, tá Ringkøbing á heimavølli spældi áttandapartsfinalu í steypakappingini móti Nykøbing Falster.
Í fyrra hálvleiki gekk væl í hond hjá Ringkøbing, og í steðginum var støðan javnleikur 14-14.
Í seinna hálvleiki var Nykøbing Falster omaná og vann seg víðari í steypakappingini við einum 31-25 sigri.
Sambært hagtølunum bjargaði Rakul átta av 34 málroyndum. Kappingarneytin hjá Rakul, Ida Marie Pedersen bjargaði tveimum av sjey málroyndum.
Komandi fríggjadag klokkan 17.30 spælir Ringkøbing fyrsta dystin í bestu deildini hetta kappingarárið. Ringkøbing spælir á útivølli móti Silkeborg-Voel.
