Sambært borgarstjóranum í ukrainska høvuðsstaðnum, Kiev, Vitalij Klitsjko, hava í kvøld verið fleiri spreingingar í Podil-býarpartinum í Kiev.
Borgarstjórin sigur, at bæði íbúðarbygningar og ein keypsmiðstøð eru rakt í russisku álopunum.
- Sambært upplýsingum, sum vit hava í løtuni, eru fleiri íbúðir og ein keypsmiðstøð rakt, sigur Vitalij Klitsjko.
Borgarstjórin, sum hevur lagt eini boð út á Telegram, leggur aftrat, at bæði bjargingarfólk, heilsustarvsfólk og løgregla eru á staðnum.
Sagt verður, at vakmyndatól, sum eru í økinum, vísa, at keypsmiðstøðin Retroville er rakt í russisku álopunum.
Reuters veit at siga, at í minsta lagi eitt fólk hevur latið lív í álopunum á Kiev higartil í kvøld.
