Rættarhjálpin er flutt úr Kristnastovu í høli longri úti á Reyni.
– Vit húsast nú í gomlu húsunum »Á Kák«, Reyngøta 33, skrivar Rættarhjálpin.
– Inngongdin er frá túninum aftan fyri Reynagarð. Skelti eru sett upp, so lætt er at finna, skrivar Rættarhjálpin – ella Rættarhjálp Føroya, sum tað eitur, hevur til endamáls at bjóða fría løgfrøðiliga hjálp og ráðgeving til einstaklingar. Rættarhjálpin hevur tagnarskyldu, og allar áheitanir verða viðgjørdar í trúnaði.
Einstaklingar kunnu venda sær til Rættarhjálpina við at ringja í upplatingartíðini, senda teldupost ella við at møta upp persónliga í Rættarhjálpini. Tað er ein fyrimunur at bíleggja tíð áðrenn, men hetta er ikki neyðugt.
Rættarhjálpin í Føroyum er mannað við løgfrøðingum, ið starvast hjá tí almenna, privatum fyritøkum og á advokatskrivstovum.
##med2##
