Í góðveðrinum í gjár varð takið í skúlanum við Gjógv skift, og skúlin hevur nú fingið flagtekju. Tað vóru umsjónarmenn hjá kommununi, sum gjørdu arbeiðið. Seinni í ár fær skúlin eisini nýggj vindeygu.
Í Sunda kommunu siga tey, at gomlu skúlarnir skulu raðfestast og setast í stand í ár.
- Umframt skúlan við Gjógv, hava gomlu skúlarnir í Haldarsvík og Tjørnuvík eisini fingið nýggjar tekjur, siga tey í Sunda kommunu.
