##med2##
Í mong ár vóru bara steypadystir spældir á ólavsøku, har eingi stig í landskappingini vóru uppá spæl, og teir dystirnir vóru sjáldan serliga áhugaverdir.
Hetta bleiv broytt í 2010, og hesi farnu 10 árini hava HB og B36 havt heimadystir á ólavsøku, har stig í landskappingini standa uppá spæl.
Men júst hetta fyrsta árið heilkiksaðu havnarfeløgini á ólavsøku.
HB tapti sensasjónelt 1-2 móti B71, og B36 var greitt við undirlutan móti Víkingi og tapti 1-3
Símin Hansen og Mads Hentze skoraðu málini fyri B71. Fróði Benjaminsen skoraði málið hjá HB.
Sam Jacobsen, Páll A. Klettskarð og Sølvi Vatnhamar skoraðu málini fyri Víking. Jákup á Borg skoraði málið hjá B36. Dimitrije Jankovic var vístur av vølli minuttin aftaná Jákup á Borg hevði lagt B36 á odda, og mátti B36 spæla 87 minuttir 10 móti 11 málum.
Á ljóðfíluni ber til at hoyra minnisbrot frá FM1 frá ólavsøkuni í 2010. Umframt málini hoyra vit Símin Hansen hjá B71 og Niclas Niclasen, liðskipara hjá Víkingi seta orð á sigrarnar hjá útiliðunum á ólavsøku í 2010. Tróndur Arge segði frá, og Helgi L. Petersen var viðmerkjari til dystarfrásøgnina.
Seinasta finalan um løgmanssteypið á ólavsøku var í 2009 tá Víkingur vann 3-2 á EB/Streymi. Núverandi leisturin við heimadystum hjá HB og B36 í landskappingini leiktir á ólavsøku hevur víst seg at rigga væl.
