TRÝST á PÍLIN undir MYNDINI, og hoyr hvussu tað ljóðaði á Rás2, tá TB/FCS/Royn vann helst mest óvæntaða sigurin í effodeildini í ár, tá teir á útivølli í Sarpugerði í Norðragøtu vunnu 3-2 á FM-vinnarunum, Víkingi.
Hilmar Jan Hansen segði frá dystinum á Rás2, og í fýra av fimm førum breyt hann inn meðan Tróndur Arge segði frá dystinum millum KÍ og HB, sum endaði 0-0.
Á upptøkuni hoyra vit eisini dystarendan av tí ótrúliga dystinum í Sarpugerði í Norðragøtu, har TB/FCS/Royn tók eitt stórt stig til at tryggja sær rættin til at varðveita sessin í effodeildini komandi kappingarár.
TB/FCS/Royn hava nú 28 stig, og eru seks stig røttu megin niðurflytingarstrikuna nú níggju stig eru eftir at spæla um.
