2. páskadag sigur Rás2 frá tveimum dystum í effodeildini. Frásøgumenn verða Tróndur Arge og Hilmar Jan Hansen.
Sagt verður frá grannauppgerðini á ovara vølli í Gundadali í Havn, har HB og B36 møtast. Sagt verður eisini frá dystinum í Klaksvík har NSÍ kemur á vitjan. Báðir dystirnir byrja klokkan 15.
Fylgt verður við gongdini í hinum trimum dystunum, Suðringar-Skála, EB/Streymur-Víkingur og ÍF-07 Vestur, og kunnað verður um hvussu tað gongur í teimum dystunum.
Í sendingini "Triði Hálvleikur" frætta vit frá umboðum fyri ymisk lið, sum hava spælt dyst í effodeildini.
Ljóðsamrøður og myndir koma út á in.fo seinni um kvøldið. In.fo fer eisini at hava tekstfrásøgn frá øllum fimm dystunum. Til ber at lurta eftir frásøgnunum á Rás2 á www.midlar.fo, og annars á FM 88,7, FM 95,9, og á FM 98,7.
