Á triðja sinni í ár verður sendingin "Bátaradio" á Rás2. Sum vanligt verður maðurin, sum kennir bátafólkið í Føroyum so væl, Vilmund Jacobsen reportari.
Í morgin sendir Rás2 Bátaradio í samband við, at tað er Bátahugni í Hvalvík.
Sendingin byrjar klokkan 13.30. Tá liggur bátafylgið uttanfyri Selatrað, og fer Vilmund Jacobsen at fylgja bátunum av Selatrað til Hvalvíkar. Á bryggjuni í Hvalvík fer Vilmund Jacobsen at práta við nógv ymisk fólk, sum eru til bátahugna í Hvalvík.
Øll kunnu hoyra sendingina á www.midlar.fo. Í Sundalagnum og Kollafirði hoyrist Rás2 á FM 95,9, og annars á FM 88,7 og á FM 98,7.
Størri parturin av ljóðsamrøðunum koma út á in.fo gjøgnum dagin.
