Tað hevur ikki verið vanligt, at ólavsøkukonsertin er blivin varpað út til Føroya fólk á hendan hátt, men gongst tað sum ælta, so fer Rás 2 at syrgja fyri hesum.
Tá ið vit tosaðu við tey í gjár var bara eitt ivamál um sendingina, og tað var, um neyðugu linjurnar kundu leggjast til sendingina. Tað var tó mett, at hetta fór at koma upp á pláss.
Umframt tónleikin og samrøður á staðnum, hevur Rás 2 eisini gjørt innsløg um ólavsøkukonsertina, sum verða send sunnukvøldið.
Ólavsøkukonsertin byrjar klokkan 21.00 og heldur fram til kl. 04.00 mánamorgunin.
