Norsk bløð gita, at Kjell Inge Røkke er á veg upp í russisku oljuvinnuna. Dagens Næringsliv skrivar, at Aker Kværner hjá Kjell Inge Røkke ætlar at fíggja oljuvinnu í Russlandi, og at felagið skal fáa ognarlut í russiskum oljufeløgum afturfyri.
Sambært blaðnum verður ætlanin umrødd sum ?tann loyniliga Røkke-verkætlanin? innanhýsis í Aker Kværner.
Í januar seldu Kjell Inge Røkke og Aker meginpartin av felagnum Aker Kværner (AKVER) og øll partabrøvini í Aker Yards. Handilin varð mettur at geva Kjell Inge Røkke einar 10 mia. norskar krónur.
