Lokala útvarpið "Jærradiogruppen" hevur millum starvsfólk síni ein føroyskan landsliðsspælara, ið eisini spælir við Bryne.
Talan er um Rógva Baldvinsson, ið vanliga leikar í miðverjuni hjá Bryne í triðbestu norsku fótbóltsdeildini. Í dag stríddist Rógvi Baldvinsson á miðvøllinum á føroyska landsliðnum sum megnaði javnleik 1-1 ímóti Kosovo á Tórsvølli.
Rógvi Baldvinsson viðgongur, at tað er munandi strævnari at verða á miðvøllinum enn í miðverjuni.
Rógvi tók eitt gult kort fyri liðið í fyrra hálvleiki, og hann kom eisini til ein málmøguleika.
TRÝST á PÍLIN undir MYNDINI, og hoyr samrøðuna Tróndur Arge hjá FM1 gjørdi við starvsfelagan í norskum útvarpi, Rógva Baldvinsson.
