Kvinnurnar í Fuglafirði umborð á Rádna eru stórfavorittar at vinna FM heitið. Í kvøld vunnu tær aftur við meiri enn einari bátslongd. Merkisvert var tað, at Rádni í kvøld setti met. Báturin hjá fuglfirðingum tók í kvøld metið, sum Páll Fangi setti fyri fimtan árum síðani – í 2001.
Á málinum var Rádni hálva aðru bátslongd undan Sølmundi, sum var meiri enn leysur av Fortuna úr Vestmanna. Páll Fangi endaði á fjórða plássi, og Skúgvur var aftastur.
Jarnbardur hjá Róðrafelagnum Knørri var tilmeldaður, men nú eru tað fleiri tímar síðani, at bilurin við bláa bátinum á vágni aftan á sær, sást fara úr Hvalvík.
1.Rádni 4.56.01
2. Sølmundur 4.59.07
3. Fortuna 5.06.10
4. Páll Fangi
5. Skúgvur
