Tað kemur ikki upp á tal at ógilda úrslitið av tjóðartingsvalinum í Russlandi, sum var tann 4. desember. Tað gjørdi Vladimir Putin, forsætisráðharri, púra greitt í dag.
Stjórnin fer sostatt ikki at slaka fyri andstøðuni, sum vil hava umval við teirri grundgeving, at valið var órættvíst.
-Valið er avgreitt. Tjóðartingið er farið til arbeiðis og hevur valt formansskap. Alt tos um umval er burtur úr vón og viti, segði Putin á einum fundi við nakrar týðandi floksfelagar í Moskva í dag. Hann legði afturat, at sambært lógini kunnu tey mótmælandi fara til dómsvaldið.
