Russiski forsetin, Vladimir Putin, hevur aftur sagt, at Russland er til reiðar at samráðast, so endi kann fáast á krígnum í Ukraina.
Hetta hendir, samstundis sum álopini á Ukraina halda fram.
Serfrøðingar halda, at útspælið úr Moskva um friðarsamráðingar heldur er propaganda enn verulig ynskir um samráðingar.
Russiski forsetin sigur í samrøðu í dag, at Russland er fyrireikað til samráðingar við allar partar um Ukraina.
Vladimir Putin ákærir Ukraina og sigur, at landið sýtir fyri at góðtaka samráðingar. Slíkt hevur Moskva hildið upp á nakrar ferðir.
Russiski forsetin sigur, at hann hevði einki annað val enn at leypa á Ukraina.
- Vit verja okkara nationalu áhugamál, sigur Vladimir Putin, og tað er tíðindastovan NTB sum endurgevur.
Meðan Boris Johnson enn var forsætisráðharri í Stórabretlandi og vitjaði í Kyiv, reisti hann viðkomandi spurningin:
- Hvussu kanst tú samráðast við eina krokudillu, sum longu hevur annað beinið á tær í kjaftinum?
Tað er eingin, sum sýtir Russland fyri at taka sínar herdeildir úr aftur Ukraina og soleiðis enda kríggið.
##med2##
