Í dag sigur turkiski forsetin, Recep Tayyip Erdogan, at hann skjótt fer at hava samrøður við russiska forsetan, Vladimir Putin og ukrainska forsetan, Volodymyr Zelenskyj.
Tað veit statsriknað russiska tíðindastovan, Ria Novosti, at siga í dag.
- Eg síggi, at harra Putin nú er mjúkari og meira opin fyri samráðinum við Kyiv enn áður.
Tað sigur Recep Tayyip Erdogan sambært russisku tíðindastovuni.
- So fáa vit at síggja, hvat telefon-diplomati'ið, sum verður ein av komandi døgunum, kann føra til - eftir, at eg havi lurtað eftir báðum leiðarunum.
Turkaland, sum annars er limur í Nato, hevur tvær ferðir verið vertstjóð fyri samrøðum millum Moskva og Kyiv, men samráðingarnar bóru ikki á mál.
Ukrainski forsetin, Volodymyr Zelenskyj, hevur sagt, at hann fer ongar samrøður at hava við Vladimir Putin, eftir at Russland hevur innlimað fýra ukrainskar regiónir.
