Tað er Jevgenij Prigozjin, sum er leiðari hjá privata Wagner-herinum, ið berjist saman við russum ímóti ukrainsku herdeildunum.
Bardagin um býin, Bakhmut í Donbas, hevur vart í fleiri mánaðir, og her hava herlið hjá báðum pørtum mist eitt ótal av fólki.
Ukrainar hava vart býin manniliga, tó at hetta ikki er nakar velduga stórur býur í ukrainskum høpi.
Mett verður heldur ikki, at býurin hevur nakran avgerandi týdning fyri gongdina í krígnum. Her búðu einaferð stívliga 70.000 fólk, men flestu eru nú flýdd.
Á russiskari síðu hevur serliga verið at hoyrt um privata Wagner-herin, sum hevur verið á odda í Bakhmut.
Men, í dag ásannar Wagner-leiðarin, Jevgenij Prigozjin, at ukrainsku herdeildirnar geva hansara herdeildum stóra mótstøðu.
Tíðindastovan Reuters veit í dag at siga, at stríðið framvegis stendur um Bakhmut, sum russisku deildirnar seinastu mánaðirnar hava roynt at fingið ræðið á.
##med2##
