Jake Livermore, sum spælir við Hull City í Premier League, er fyribils leikbannaður, eftir at hann er tikin fyri at hava brúkt kokain.
Hann bleiv fangaður í eini dopingroynd, eftir at Hull í farna mánaði vann 2-0 á Crystal Palace. Jake Livermore hevur verið millum drúgvastu spælararnar hjá Hull hetta kappingarárið.
Hann situr fyribils úti tveir teir seinastu dystirnar hetta kappingarárið, sum eru í móti Tottenham og Manchester United. Væntnadi fær hann eitt langt leikbann til komandi kappingarár.
Jake Livermore er 25 ára gamal og er uppaldur í Tottenham, áðrenn hann skifti til Hull fyri áleið 80 milliónir krónur í fjør. Jake Livermore er miðvallari og hevur eisini spælt á enska landsliðnum.
