Poul G. Olsen úr Vík er Ársins venjari hjá kvinnum. Hann fekk fyri kortum sama heiður frá Venjarafelagnum, og nú fekk hann aftur heiðurin á Hvonn Live, har Miðlahúsið, Fótbóltssamband Føroya og Hvonn heiðra fótbóltinum.
- Eg dugi ikki at siga hví, hini hava peikað á meg, men hetta er eitt stórt herðaklapp. Vit hava lagt liðini hjá EB/Streymi og Skála saman og tað hevur gingið ómetaliga væl við tí. Hesin heiðurin gevur mær móti upp á meiri, segði Poul G. Olsen.
Poul G. Olsen fekk heiðurin frammanfyri Alexandar Djordjevic hjá KÍ og Jacob Thomsen hjá B36, sum vann heiðurin í fjør.
