Í sambandi við at tað í ár eru liðin 100 ár, síðani Poul F. Joensen varð borin í heim verður skipað fyri 2 kvøldsetum, einari í Sumba og einari í Norðurlandahúsinum.
Kvøldsetan í Sumba verður leygardagin 14. november 1998 kl. 19.30, og kvøldsetan í Norðurlandahúsinum leygardagin 21. november 1998 kl. 19.30.
Skráin fyri báðar kvøldseturnar verður nakað hin sama, tó syngur Tvøroyrar Manskór í Sumba, men ikki í Norðurlandahúsinum,og sær skráin soleiðis út:
Felagssangur.
Sverri Egholm lesur upp.
Hans G. Johansen syngur.
Eyðun Andreassen hevur hugleiðingar um skaldskapin hjá Poul F.
Felagssangur.
Í sambandi við kvøldseturnar í Sumba og í Norðurlandahúsinum skipar Føroya Landsbókasavn fyri eini framsýning.
Samskiparar við tiltakinum Poul F. - 100 ár eru: Fimmboði og Daniel Johan Lisberg í samstarvi við Norrøna Felagið í Føroyum, Føroya Landsbókasavn og Norðurlandahúsið í Føroyum.
Atgongumerkini til tiltøkini bæði skipar Norðurlandahúsið í Føroyum fyri, og verða atgongumerkini at fáa ávikavist í Sumba og á Kunningarstovuni í Havn og í Norðurlandahúsinum.
