– Vit eru til reiðar innan teir komandi tímarnar at leggja fram eitt lógaruppskot fyri tingið um lógligan og tryggan abort fram til 12. viku, segði Donald Tusk, forsætisráðharri.
Táverandi konservativa pólska stjórnin ruddaði í januar í 2021 vegin fyri eini lóg, sum við fáum undantøkum bannaði aborti í Póllandi.
Lógin hevði við sær umfatandi fólkslig mótmæli í Póllandi.
Eftir tjóðartingsvalið á heysti í fjør, misti nationalkonservativi flokkurin Lóg og Rættvísi PIS valdið, og Donald Tusk úr Borgaraflokkinum gjørdist forsætisráðharri.
/ritzau/AFP
