Pólska Fótbóltssmbandi noktar at spæla ein HM-undandyst ímóti Russlandi. Tað skrivar formaðurin í fótbóltssambandinum, Cezary Kulesza, á Twitter.
Orsøkin er innrásin í Ukraina, greiðir hann frá.
– Nú er tíð at gera nakað. At økjandi russisku hertøkuni í Ukraina vil pólska landsliðið ikki spæla playoffdystin ímóti Russlandi, skrivar hann.
Hann leggur afturat, at pólska fótbóltssmabandið er í samskifti við fótbóltssambondini í Svøríki og í Kekkia um at koma við eini felags fráboðan til altjóða fótbóltssambandið Fifa.
Dysturin millum Pólland og Russland skal eftir ætlan spælast 24. mars. Uppgerðin skal vera í Moskva, og Fifa hevur enn ikki tikið støðu til, um russiskir felags- og landsdystir komandi tíðina skulu flytast av landinum.
Tað er fyrstu playoffdysturin, har fýra tjóðir luttaka og stríðast um atgongd til HM í Qatar.
Stóri profilurin á pólska landsliðinum, áleyparin Robert Lewandowski, skrivar á Twitter, at »tað er tann rætta avgerðin« at nokta at spæla dystin.
– Eg kann ikki ímynda mær at spæla ein dyst ímóti russiska landsliðnum eftir at Russland hevur gjørt innrás í Ukreina. Russiskri fótbóltsspælarar og viðhaldsfólk hava ikki ábyrgdina av hesum, men vit kunnu ikki lata sum um einki er hent, sigur hann.
32 lið skulu finnast til endaspæli í HM, sum verður frá 21. november til 18. desember í Qatar. 17 av liðunum eru enn ikki funnin.
Meðan Fifa enn ikki hevur tikið støðu til dystirnar í Russlandi, gjørdi Uefa av í gjár, at russisk og ukrainsk feløg fyribils skulu spæla sínar heimadystir á uttanveltaðum vølli.
/ritzau/
