Mikudagin flytir politistøðin úr Miðvági og í nýggj høli í umsitingarbygninginum á flogvøllinum.
Higartil hevur løgreglan í Vágum hildið til á politistøðini í Miðvági, men har verða dyrnar stongdar týsdagin, áðrenn opnað verður á flogvøllinum mikudagin.
Løgreglan sigur, at fram til 31. august verður avgreiðslan opin týsdag og mikudag frá kl. 10 - 14.
Frá 1. september verður avgreiðslan opin gerandisdagar frá kl. 10 - 14.
