Her eru leinki til nýggja faldaran og plakatina, ið lýsa kanningarháttin og læruleiðina, sum tey Vitanarfróðu brúka á kanningarferðum sínum.
Tilfarið vendir sær serliga til tey í miðdeild, 4.fl. – 7. fl. og sum er hugsað til at brúka alt skúlaárið í vanliga arbeiðinum. Tey sum eru yngri og eldri kunnu eisini brúka tilfarið.
Eina ferð um árið ber til at luttaka í kappingini, Ársins Vitanarfróðu. Freistin komandi ár er 10. mai.
Lesið meira í faldaranum ella á heimasíðu okkara, har eisini annað tilfar um læruleiðina kann takast niður: gransking.fo/vitanarfrodu
Stutt um kanningarháttin
Kanningarhátturin hjá teimum Vitanarfróðu leggur upp til at undrast, kanna, spyrja, granska, forvitnast og fortelja um eitt evni, sum tú/tit sjálvi velja. Øll kunnu brúka hendan kanningarhátt, bæði børn og vaksin. Hann riggar sera væl til bólkaarbeiði, til dømis í einum skúlaflokki.
Leisturin hevur 6 ymisk stig, fyrsta stig er at velja eitt gott og forvitnisligt evni, gjarna tvørfakliga, sum verður kannað nærri. Hetta kann gerast sum flokkur ella í smærri bólkum.
