Seinni í vár opnar ein nýggj matstova niðri í Vágsbotni, tá Hvonn flytur allar skundverðarnar yvir í nýggja matstovuna Eta, sum letur upp í Miðlahúsinum.
Tummas Jakobsen, sum er kokkur á Hvonn, sigur at allir take-away rættirnir á Hvonn vera nú fluttir yvir á matstovuna Eta.
- Báðir pizza-ovnarnir hjá okkum, har av annar hevur verið í húsinum síðani vit byrjaðu at gera pizza í 1998, vera fluttir yvir um vegin inn á veghæddina í Miðlahúsinum, sigur hann.
Hetta merkir eisini, at matskráin yviri á Hvonn verður nakað broytt í mun til tað, vit kenna í dag, men kortini verður enn gjørligt at bíleggja pizza, pasta, búffar og fish & chips yviri á Hvonn, sum í dag.
Eta letur væntandi upp seinni í vár.
